علشان تبقي باشا تاني ! يا باشا لازم تكون كبير
مش تسيب اللى بيأمرك بالغلط و تتشطر على اللى في التحرير
فاكر لما استخبيتوا يوم 28 و قولنا أكيد اللى بعدك شيء خطير
و استنجدنا بيك من البلطجية و كمان اللى خرجوا من السجون كتير
و محدش سمع ندانا و قولتوا مأجورين و بياكلوا كنتاكي و فطير
عمرك ما هتاخد مكانك غير لما نديك التأشير
عمر إحترامنا ليك ما كان بالقوة و إنما نابع من الضمير
لكن تسيب الحرامية و تموت اللي في التحرير؟
و تصيب عيونهم و تخلي المبصر فيهم ضرير؟
و شاطر يا باشا جت في عينه و منتظر تصفق لك الجماهير !!!
و ترمي عليهم الغاز اللى موت الطفل و الكهل الكبير؟
علطول هتلاقينا ضدك من غير تفكير
لأنك مش بتحميني ساعتها و هاتخليني أحصل إسلام بكير
من غير ما أطول و أقولك اسامي الشهدا و اللى اتصابوا على إيد سعتك و العسكري و الغفير
لو كنت لحظة كلفت خاطرك و بذلت جهد في التفكير
كنت هاتشوفهم ولادك و أخواتك و تعرف إن غلطك كبير
ها أروح فين أنا من اللي ضحى بنور عينه و لكن بصيرته مصباح منير
و هاتروح فين أنت يوم السؤال لما يتساوى الغني و الفقير
و يسألك رب العباد عن ذنبك اللى عملته بدون تقصير
عاوز ترجع مكانك موافق ، بس لازم يكون عندك ضمير
و تفرق في المعاملة ما بين شاب بيبني و مجرم أجير
ــــــــــــــــــــــــــــــــــــــــــــــــــــــــــــــــ
تحديث : تمت إضافة بعض الأبيات ...
21 التعليقات
صباح الغاردينيا ريهام
حرفك هنا من إحساس وطني وقلب يناهض بـ الكلمة
كنتِ رائعة وأكثر "
؛؛
؛
لروحك عبق الغاردينيا
كانت هنا
reemaas
@ريماس :
أهلا بيكي و أشكرك جدا على كلماتك و تعليقك ، نورتيني و أسعدتيني ، كل عام و أنتِ بخير ...
يالها من وطنيه جميله ورائعه التى نشعر بها هنا لو كان بداخل كل انسان هذا الشعور الوطنى الراقى لانصلح حال البلد ورايناها اجمل بلاد العالم
تحياتى ابوداود
@الأحلام:
أشكر حضرتك جداً و جزاك الله كل الخير ، و إن شاء الله تكون أجمل بلاد العالم ، شرفتني بالزيارة ...
ما شاء الله ..
جزاك الله خيراً على هذه الكلمات الحية التى تنبض بحب الوطن أختى ريهام.
أمك مصر تناديك ..
فلبّى النداء
هذه رسالةٌ من مصر قد تركتها عندى من أجلك , فهلَّا تفضلت بقراءتها :
http://marketingandmedia.blogspot.com/2011/12/blog-post.html
@أ/محمد نبيل :
جزانا و إياكم إن شاء الله و شكرا على دعوة حضرتك و جاري قراءة رسالة "مصر"
شرفتني ...
السلام عليكم
قرأت تدوينتك امس لكن مع كثرة اعداد البوستات قرأت بعضها سريعا بدون تعليق :) فعلا كل التدوينات رائعة
كلماتك بسيطة وجميلة وعبرت عن شعورنا كلنا بسهولة
*******
ها أروح فين أنا من اللي ضحى بنور عينه و لكن بصيرته مصباح منير
و هاتروح فين أنت يوم السؤال لما يتساوى الغني و الفقير
و يسألك رب العباد عن ذنبك اللى عملته بدون تقصير
عاوز ترجع مكانك موافق ، بس لازم يكون عندك ضمير
و تفرق في المعاملة ما بين شاب بيبني و مجرم أجير
************
اد ايه اسلوبك بديع ورائع بارك الله فيك غاليتى
يارب يحفظ مصر وشبابها ويجعل المستقبل افضل لى وليكِ ولكل المصريين
تحياتى لك وتقديرى
@أم هريرة :
جزاك الله كل الخير على كلماتك الجميلة التى هي أكثر بكثير مما أستحق ، شرفتيني و أسعدتيني بالزيارة الطيبة :) ،اللهم ىمين يا رب ، دمتِ بصحة و سعادة ...
ردك قوي أوي بس كلامه دايقني جدا
مش ضعف انما غضب من اللي بيحصل
مش عارفه هنفضل في تخبط لحد كده امتى..
فعلا مبدعة
دام قلمك
أنا شيرتها ع الفيس بعد اذنك :)
@آخر العنقود :
عندك حق المفروض نكون على نفس الجانب و ليس الضد بالضد ، و لكن فرضتها علينا الظروف و اتمنى أن تزول سريعاً ، نورتيني و شيريها براحتك :)
لا حول ولا قوة إلا بالله ..
ربنا يصلح الحال ويزيح الغمة عن مصر الحبيبة ..
ربنا معاكم يا ريهام ..
وقلوبنا وصلواتنا معاكم كمان.
جزاك الله خير الجزاء على هذه الغيرة أختي في الله موضوع يناقش حالة مهمة الله المستعان
@وجع البنفسج
اللهم أمين يصلح الأحوال يا امتياز ، أشكرك جداً و ليس لنا جميعاً إلا الدعاء ، جزاك الله كل الخير
@كريمة سندي
حمد لله على سلامتك و نورتيني جزانا و اياك غن شاء الله
إن كان للظلم جولة فإن للحق دولة
@infowks :
أكيد إن شاء الله ، متفائلة بالعام الجديد ، شرفتني بالزيارة و شكراً لتعليقك ...
إفتقدت زياراتك وتعليقاتك المتميزة , فأردت أن أطمئن أنك بخير وسلامة.
كل عامٍ وأنت بألف خير.
@أ/محمد نبيل :
جزاك الله خيراً على المتابعة و السؤال ، الحمد لله أ،ا بخير و لكن انشغلت قليلا بأمور الدراسة ، و كل عام و حضرتك طيب ، أشكرك جدا و عذرا على التأخر فى الرد ...
كم هو رائع أن نحس بالوطنية والانتماء استمتعت بما قرأت سلمت الأنامل
@ كريمة سندي :
أشكرك جداً و افتقد تدويناتك كثيراً :) ، سلمك الله من كل سوء ، نورتيني
إرسال تعليق